UKWETHULA IIMPHAKAMISO NGOMLOMO
Iimphakamiso ezithulwa ngomlomo zikunikela ithuba lokugandelela lokhu esele ukuvezile esiphakamisweni sakho ositlolileko begodu kuvumela ikomiti ithole ihlathululo ngamaphuzu aveziweko esiphakamisweni. Nange ikomiti iqunta ukulalela isiphakamiso sakho uNobhala weKomiti uzokuthinta ukwenza amalungiselelo wokulalela isiphakamiso sakho ngomlomo.
Iimphakamiso ezenziwa ngomlomo zingenziwa emiHlanganweni yomPhakathi ebanjwa maKomiti.
Iimphakamiso lezi ziyarekhodwa emiHlanganweni yomPhakathi bese ziyakopululwa*
ekwabelenwe ngayo ngesikhathi somHlangano bese acocisana ngokumumethweko ngemva kwalokho.
Nange umbono usekelwa babantu abanengi begodu nangabe unesisekelo umbono*
nofana ukutshwenyeka kuba sethubeni elihle lokufakwa emsebenzini weKomiti/
IKomiti/amaKomiti azokwenza isiqunto ngobujamo bendaba leyo.*
UMHLAHLANDLELA WOKWENZA IIMPHAKAMISO NGOMLOMO
Ukuhleleka kokwethula iimphakamiso ngomlomo kuyahluka hlangana namakomiti begodu kuya nangehlobo lomsebenzi.
Landela umhlahlandlela ofana nalowo weemphakamiso ezitlolwako.
Ukulungiselela isiphakamiso esenziwa ngomlomo - Ngombana imihlangano yamakomiti kanengi ivulekela umphakathi neembikindaba, ungafisa ukukhambela munye wemihlangano ngaphambi kobana wenze isethulo sakho ngomlomo. Ngelanga lokwethulwa ngomlomo fika kusenesikhathi. Kumbono omuhle ukuhlela ozokwethula kobana ukghone ukwethula woke amaphuzu afaneleko kobana kube nesikhathi esaneleko semibuzo.
Iintlabagelo ezibonakalako - Amakamuru wePalamende afakelwe imitjhini ekghona ukukhombisa iinthombe-ezizwakalako begodu lokhu ozokwethula ngomlomo kungenza umehluko omkhulu lokha nakugandelelwa ngeentlabagelo ezikhombisa iinthombe-ezizwakalako.
Imibuzo - Zilungiselele imibuzo evela kumaLunga weKomiti. Kumbono omuhle bonyana ucabange ngemibuzo engabuzwa begodu uzilungiselele ukuyiphendula.
Isikhathi esibekiweko - Ungacocisana ngesikhathi esibekiweko noNobhala weKomiti kusenesikhathi. Ikomiti yenza isiqunto ngesikhathi esibekiweko ukwethula ngomlomo.
Zibandakanye ePalamende. Yenza ilizwi lakho lizwakale.
Lencwajana ifumaneka ngawo woke amalimi asemthethweni weSewula Afrika.
UKUFAKA IIMPHAKAMISO EPALAMENDE Ngabe ufisa ukuvela ngaphambi kweKomiti? - Veza ngokubaleleko bonyana ufi sa ukunikelwa ithuba lokukhuluma ngesiqu sakho ngaphambi kwekomiti. Nange ujamela
UKUFAKA IIMPHAKAMISO EPALAMENDE
Umthethosisekelo weSewula Afrika wenza isibonelelo sokuzibandakanya komphakathi ekwenziweni komthetho, ukutjheja nezinye iinkambiso zePalamende. Ihlelo lokubusa ngentando yenengi yeSewula Afrika ayinikeli kwaphela izakhamuzi ukukhetha abajameli bazo kodwana uvumela izakhamuzi bonyana zibe nelizwi eendabeni ezibathintako.
Yinye yeendlela umphakathi ongenza ilizwi labo lizwakale ukwenza iimphakamiso uzithumele kumaKomiti wesiBethamthetho seNarha, kumaKomiti womKhandlu weNarha oNgamele iimFunda nofana kumaKomiti weHlanganyela.
Iimphakamiso zomphakathi kufuze zibe ngendlela efanelekileko, okumumethweko begodu nangendlela ezihleleke ngayo kufuze kuyelelwe.
SIYINI ISIPHAKAMISO?
Isiphakamiso sisethulo semibono nofana imicabango ngendaba nofana ngesigatjana somthetho osatjhejwa yikomiti yePalamende.
Iimphakamiso singethulwa ngelimi lakho olithandako.
Iimphakamiso kanengi zitlolwa phasi. Zingagandelelwa ngomlomo ekomitini nange umuntu nofana isiqhema esenze isiphakamiso leso simenywa ukwenza isiphakamiso ngomlomo.
Ukwenza iimphakamiso kunikela ithuba kunanyana ngiliphi ilunga lomphakathi ukuhlongoza amatjhuguluko nofana ukutjhukumisa okungenziwa ukuqinisekisa bonyana imithetho ebethwa yiPalamende nofana nanyana ngiyiphi indaba eqalwe yiPalamende yenza okunqophiweko.
USITLOLA BUNJANI ISIPHAKAMISO?
Iintjhukumiso ezilandelako zingasiza ukuphumelelisa lokhu:
Isihloko - Faka isiphakamiso sakho isihloko ngegama lekomiti osithumela kiyo begodu nesihloko esipheleleko somThethomlingwa nofana isihloko.
Siphuma kubani? - Veza ngokubaleleko bonyana isiphakamiso siphuma kubani. Yitjho igama lakho nofana unikele igama lehlangano oyijameleko.
Imininingwana yokuthintana - Faka isiphande nomtato otholakala kiwo emini.
Ngonobangela wefihlo mhlambe awufisi bonyana imininingwana leyo ivezwe kunye nesiphakamiso, kuveze lokhu encwadini ekhambisana nesiphakamiso bese ukuyekela esiphakamisweni leso.
ihlangano begodu ufisa abanye bavele kunye nawe ngaphambi kwekomiti nanyana ukusekela nofana ukukhuluma faka amagama nalokhu ebazokwenza
Ihlangano yakho - Nange utlola ujamele ihlangano nikela imininingwana erhunyeziweko ngeminqopho yehlangano, ubulunga begodu nesakhiwo. Yenza isiqiniseko bonyana unegunya lokwenza lokhu bese uveza isikhundla osiphetheko ngaphakathi kwehlangano.
Bobani abanye abakusekelako? - Ungaveza ukubonisana kwakho bonyana kunabe kangangani ngesikhathi utlola isiphakamiso. Isiphakamiso sakho singamukeleka ngokungananazi nange unokusekeleka okunabileko.
Lokha nawenza isiphakamiso ekomitini kanengi uveza imibono malungana nomthethomlingwa nofana ngesihloko esithileko. Nanyana kukhona umehluko ngendlela isiphakamiso somthethomlingwa sitlolwa ngayo kodwana kukhona iinkambisolawula ezenziwako.
Ukusetjenziswa kwelimi - Sebenzisa ilimi ngendlela eyamukelekileko. Isiphakamiso esinamagama athukanako begodu nangamukelekiko angeze satjhejwa.
Okukhambelanako - Hlala phezu kwephuzu. Isiphakamiso sakho kufuze sikhambelane nendaba ekukhulunywa ngayo. Ikomiti ingaqunta ukungatjheji isiphakamiso esingakhambelani nekukhulunywa ngakho.
Cacileko - Hlela imitjho ngamapharagrafu alandelane kuhle. Linga ukwethula ukuphikisa ngendlela ebaleleko nelandelana kuhle. Isiphakamiso esikhuluma ngendaba sibuye sikhulume ngenye indaba sibuyele emva godu nofana esihlanganisa iindaba ezingakhambelaniko singaletha ukutjharagana bese sinciphisa umqopho waso.
Kafi tjhani - Tlola uzwakale begodu unqophe. Ungatloli ngokudluleleko kulokhu okwamukelekako. Isiphakamiso eside khulu singanciphisa amaphuzu aqakathekileko ofisa ukuwaveza. Ikomiti ifuna ukwazi bonyana ucabangani begodu nobufakazi nofana ukuphikisa kwakho okusekela umbono wakho.
Nembako - Tlola unembe begodu nangokupheleleko. Buthelela begodu urhubhulule ilwazi elifanele ngokwaneleko. Yenza isiqinisekiso bonyana amaphuzu wakho ahleli ngendlela efaneleko. Isiphakamiso esinobutjhapho sizokunciphisa khulu umqopho waso.
Ukuphetha - Rhunyeza nofana rhelisa amaphuzu aqakathekileko weemphakamiso ekupheleni kwesiphakamiso nofana isendlalelo esirhunyeziweko ekuthomeni.
Ukuthumela isiphakamiso sakho - Isiphakamiso sakho kufuze sifike ekomitini ngelanga nofana ngaphambi kwelanga lokuvala leemphakamiso begodu kufuze sithunyelwe kuNobhala weKomiti ephatheleneko.
